Преодоление Смуты (конец XVI - начало XVII вв.)
и укрепление российской государственности

Выписка:

«(Л. 3)

Сказание известно, когда и в кое время в велицей Росийстей земли просия яже во единаго истиннаго в Троицы славимаго Бога нашего вера християнская и благочестие утвердися, и коим образом росийстии митрополиты прияша власть от константиноградских патриарх своими епископы поставлятися и сущих под ними поставляти, и когда и коим образом в царствующем граде Москве великий патриаршеский престол устроися, и кто бысть

Выписка:

(Л. 3 об.)

первый патриарх и по нем друзии; в нем же и о поставлении великого государя царя и великого князя Михаила Федоровича всеа Русии самодержца, отца великого государя преосвященного Филарета Никитича, митрополита Ростовского и Ярославского, на превысокий патриаршеский престол царствующаго града Москвы и всея великия Росии…

Выписка:

(Л. 28)

…советом благочестиваго царя и патриарха и прочих святителей греческия и Руския области избран и возведен бывает в рустей митрополии на превысочайший патриаршеский престол Иев митрополит царствую

Выписка:

(Л. 28 об.)

щаго града Москвы и всея великия Росии, в лето от сотворения мира 7097, в шестое лето царства благочестиваго царя Федора Ивановича, бывый преже епископ Коломенского града, муж благ, во священных законех воспитан, и в молитвах и в чистоте жития известен; и оттоль в Росийском государстве патриаршеский престол устроися….

Выписка:

(Л. 32)

… Иев патриарх пребысть на престоле святительства своего лет седмьнадесят, зело бодр строя церковныя вещи, и в ти

Выписка:

(Л. 32 об.)

шине и в мире соблюдая непоколебимо и ненаветно, и в сих пребывая, во глубоку старость достиже, и глубокия ради старости, паче же обычнаго тому поста, чювственныма очима свет помрачи, но мысленыма очима зело сияше…

Выписка:

(Л. 35 об.)

Помале же благочестивый и приснопамятный царь Феодор оставил земное царство, отъиде в вечное блаженство небеснаго царствия… Ирина последова супругу своему, не восхоте мирскими веселитеся…

Выписка:

(Л. 36)

Царский же скифетр прежрченный он Борис Федорович ово убо по власти юже преже имяше… исперва явися кроток и милостив и дароподателен,

Выписка:

(Л. 36 об.)

и ко всем человеколюбие и милосердие имея, помалу же открывая в сердцы того лежащий гнев и искру злобы, таящуюся в пепеле, или яко огнь в тернии в велик пламень воспали, и от багряницы возгорде, всем показуяся гневлив, и советника и помогателя царствию не восхоте имети никого же, ниже от великих и превосходящих в чести равна себе кого имети; елицы же остащася сродницы благочетиваго царя Феодора Ивановича, иже и братия тому по матери быша, от благородных и первых синглит, Феодора, глаголю, Никитича

Выписка:

(Л. 37)

Романова и братию его, и сим убо исперва любовно приединяся и клятву страшну тем сотвори, яко братию и царствию помогателя имети, помале же яко сковрада воскипе, напрасным заточением сих осуди и смерти долготерпеливне зело лют и болезнен предаст, старейшаго же от братий Феодора Никитича в иноческая облеши повеле, и премногия тех имений отъем, в сокровищах царских положи…

Выписка:

(Л. 37 об.)

… Царствова же точию седмь лет. И по нем сын его Феодор малы дни точию царствия именование на ся прием, венца же возложити не доспе: понеже в тогдашнее время, по действу дьяволю,

Выписка:

(Л. 38)

некто от простых воин, глаголемый Юшко Отрепьев, таже во мнишеское одеяся Григорий нарицашеся, возложи на ся имя царского сына Димитрия Ивановича, иже убиен бысть на Углече, и всем показуяся, яко той есть избежавый убивственных дланий царя Бориса; малы же помощники того бесованию обрете, к странам полского короля отходит, и тамо незнаем, яко истинен отрод царский приемлется и велику руку помощи приемлет от полского Жигимонта краля, той бо забыв клятву,

Выписка:

(Л. 38 об.)

юже положи к царю Борису, еже быти умирению с ним лет двадесят…».