1626 г. «Повесть о бывших в России после кончины царя Бориса Годунова до избрания царя Михаила Федоровича замешательствах и бедствиях». Рукопись патриарха Филарета о событиях в России с 1606 по 1613 г.
Ф. 135. Отд. V. Рубрика II. № 23. Л. 1–90. Подлинник (черновой) без начала,
писанный в виде столбца разными почерками, в некоторых местах исправленный рукой патриарха Филарета Никитича.
Из архива Посольского приказа.
Выписка:
«(Л. 1)
…и боляря и прочие людие, паче и епискупи рустии, еже и пострада. Патриарх же Игнатей поколебася и з Гришею Ростригою соединився. Митрополити же и епископи рустии яко воздремаша, и у обрет ревнитель по Бозе сей великий князь Василей Иванович и умы своими помрачистася, един же токмо он обличи его губительного волка еретичество. Потом же и вси епискупи рустии и князи и боляря и вси людие яко от сна возбудишеся и в разум истинный приидоша. И тако от всех посрамлен бысть и со власти свержен и смерти зле предан. Егда ж поможе Бог победити богопроклятого оного содеемаго разорителя православныя християнские вреры нового Ульяна еретика Гришу Отрепьева, и великий престол Российскаго царствия Бог очисти. В четвертый же день по убиению отступника от православия (нового Лютара) еретика, многосквернаго Гриши Отрепьева маия 19 день приидоша на крайнево место, глаголемое Лобное, весь синклит царскаго величества: митрополити и архиепискупы, и епискупы и архимориты, и игумены и всяких чинов люди Московского государства, и собрашеся весь народ от мала ж и даже и до велика и нача глаголати о том, дабы разослаша грамоты во все окрестныя грады Московскаго государствия, чтобы из всех градо съезжалися в царствующий град Москву вси народи для ради царсково обирания и да быша избрали в соборную апостольскую церковь патриарха, кого Бог благоволит о патриаршеском избрании Народи же отвещаху
(Л. 1 об.)
яко напереди да изберется самодержавный царь, иже может наше сокрушение исцелити и раны обезати, нанесенныя богопопустною язвою неблагочестнаго еретика и зловоннаго вепря, иж (пото) озоба виноград, Богом насажденный. И сего аще Господь царя открыет нам, якож древле Саула Израилю, и той убо да изведет патриарха, пастыря Богом снабдимой церкви. И угодно бысть сие слово (всему) пред всем преосвященным собором и пред царским синклитом, пред благочестивыми князи и боляры. И начаша глаголати: яко убо обличитель и посрамитель нечестиваго богопротив
(Л. 2 об.)
ника Гришки Отрепьева бысть благородный князь Василей Иванович Шуйской, иже и до смерти мало не пострада от плотояднаго того медведя и за избавление росийскаго народа живота своего не пощаде. (По сем же) Еще же и отрасль благороднаго корени царскаго изчадия великизх государей росийских, и сего ради, многаго ради мужства и благородия да вручен будет ему царсвтия росийскаго скипетродержания. И егда услышась сие речение в собравшемся народе, и абие вси народи предстоящи ту, яко по некоему благовещению или с небесе шумящу, или от земли возглашающу, воздвигоша гласы своя великими жрелы, яко аще рещи и земли противу возглашати, бе бо собранных всех бесчисленное сочетание и место необреташесь има, вси же единогласно глаголюще: да будет царствуя нами царь и великий князь Василей Иванович, иже избавивый нас от належащия пагубы свирепаго еретика Гришки Атрепьева. И тако всем советом избраша на Росийское самодержство благочестиваго царя Василия…».
